Бишкектеги косметология: коопсуз сулуулуктун 5 сыры

Сулуулук салондорунун саны Бишкекте жылдан-жылга өсүп, жаңы ыкмалар жаңы препараттар пайда болууда. Бирок адистердин айтымында, Бишкектеги косметология тармагында кардарлардын коопсуздугу көп учурда экинчи планда калат. Эмне үчүн мындай деп айтууга негизи бар?

1.Бишкектеги косметология: көпчүлүк косметологдор медициналык билимге ээ эмес.

Алар эки жумалык курстардан кийин инъекцияларды жасап, ботокс сайып, контурдук пластика жасашат. Бирок мындай манипуляциялар жогорку медициналык билимди жана лицензияны талап кылат. Мындай “адистерге” ишенсеңиз, бет нервиңиздин жабыркашы, аллергия же теринин астында ириңдөө сыяктуу оор кесепеттерге дуушар болушуңуз мүмкүн.

2. Бишкектеги косметология: препараттардын сапаты көзөмөлдөнбөйт.

Улуттук коопсуздук комитети Бишкектеги 40тан ашуун салондон мөөнөтү өткөн же контрабандалык филлерлерди тапкан. Мына ушундай заттар организмде шишик, ткандардын өнүгушүнө алып келип, кээде госпитализацияга чейин жетет.

3.Бишкектеги косметология: кардарлар көбүнчө документтерди текшербейт.

Саламаттык сактоо министрлигинин маалыматы боюнча, борбор калаадагы 250 клиниканын ичинен расмий уруксаты барлары 112 гана. Калгандары — үйдө, подвалда же чакан жайларда жашыруун иштеген «адистер».

4. Көптөр Instagramдагы акцияларга түшүп, бирок процедурадан кийин кымбат дарылоого акча коротушканын билишет.

Мисалы, ботокстун орточо базар баасы 150-200 доллар болсо, ал эми 50 долларлык сунуш – сапатсыз материалдын же жаңылыштыктын кепилдиги.

5. Психологиялык басым – маркетологдор «кемчилигиңди түзөтөбүз» деп коркутуп, кардарларды шаштырышат.

Натыйжада аялдар кереги жок процедураларга акча төлөп, ден-соолугун тобокелге салышат.

Эмне кылуу керек?

• Косметологдун дипломун жана лицензиясын сөзсүз көрүңүз.
• Препараттын сертификатын сураңыз, мөөнөтүн текшериңиз.
• Клиниканын тазалыгына, стерилдүү шарттарына көңүл буруңуз.

Бишкектеги косметология рыногунда ар бириңиздин коопсуздугуңуз өз колуңузда. Акчаңызды да, денени да коргоп, маалыматтуу тандоо жасаңыз!

Сулуулук – ден-соолуктун кепилдиги.

Чач эмнеге тушот? 6 жашыруун себеп жана алардын жоюу жолдору

Кантип туура маникюр тандоо керек?